ევროკომისიის მიერ დაფინანსებული ERASMUS+-ის პროექტის ფარგლებში, ცხადდება კონკურსი სასწავლო გრანტის მოსაპოვებლად 3 თვიანი მობილობის განსახორციელებლად ვარშავის სამედიცინო უნივერსიტეტში (პოლონეთი).
მობილობის დასაწყისი: 2024 – 2025 სასწავლო წლის შემოდგომის სემესტრი.
მობილობასთან დაკავშირებულ ხარჯებს აანაზღაურებს მომწვევი მხარე (ორმხრივი საერთაშორისო მგზავრობა და ყოველთვიური სტიპენდია).
გასაუბრებაზე წარმოსადგენი სააპლიკაციო დოკუმენტაციის ჩამონათვალი:
• CV ევროპულ ფორმატში ინგლისურ ენაზე;
• ცნობა სტუდენტის სტატუსის შესახებ (ინგლისურ ენაზე);
• აკადემიური მოსწრების დამადასტურებელი დოკუმენტი GPA –ის მითითებით;
• ინგლისური ენის ცოდნის დამადასტურებელი სერტიფიკატი (B2 დონე);
• სამოტივაციო წერილი (ინგლისურ ენაზე).
გთხოვთ, 2024 წლის 14 მაისის 15:00 საათამდე გაიაროთ რეგისტრაცია ელექტრონული ჟურნალის პირად პორტალზე (sms.tsmu.edu).
გასაუბრება ჩატარდება თსსუ-ის საერთაშორისო ურთიერთობების დეპარტამენტში 2024 წლის 14 მაისს, 16:00 სთ-ზე.
მისამართი: თსსუ-ის ადმინისტრაციული კორპუსი, მეოთხე სართული, ოთახი # 407. ტელ.: 032 2 542 450; 032 2 542 451.